giovedì 2 gennaio 2020
ADSUR LA TRAGEDIO
La suno
lumas adsur la tragedio
e me frapus ol per pugno
igante lu forkurar
e rikochar
sur la muri dil teatro di marioneti
por pose falar
sur la fundo blua neta
e truizar la vesto dil destino.
Tra la truo
brulfacita
quaze ita da sigareto
aparus hororiganta
omna sorto di insekti
vermi e paraziti
montranta al mondo astonata
la hororo e la shamo
dil senkompat intrigo
texata sur la mizeroza ragi
di ni.
E ta suno
de la fora chambreto
ne tardigus fairizar
la tota vesto
brilanta ek satino blua
e de to
omno esus incendio.
Kontree
obstinant e ferma
ol
lumas adsur la tragedio.
Tiberio Madonna
ESPERANTO
ITALIANA
domenica 17 marzo 2019
LA LIBRO RAPTERA
Kara samideani,
me prizentas a vi la duesma edituro di la rakonto LA LIBRO RAPTERA. Ol editesis unesmafoye en 2014, e nun me adkargas la nova versiono tote revizita.
La versiono en l'Italiana di ca verko, IL LIBRO RAPITORE, donis la nomo a la kolekturo de fabli e rakonti publikigita en 2016 dal editerio Kimerik, ube esas posibla trovar sive la versiono papera sive la e-libro.
La rakonto en Ido esas direte e gratuite deskargebla kliktante sur la suba imajo:
Bona lekto!
Tiberio
giovedì 21 febbraio 2019
L'ARBORO DIL CIELO
Kara lekteri,
me ripublikigas anke "L'ARBORO DIL CIELO" kun nova grafika aspekto.
Ica rakonto aparis unesmafoye en la numero 1 di la revuo "La Plumo Idala", numero relatanta, inter altro, l'exterterani.
Recente, lastasomere, ol aparis kom aparta edituro ma provizore, sen imajizita kovrilo.
Nun vi povas deskargar la nova failo per kliktar sur l'imajo:
Kordiale,
Tiberio
LA SONJO FURTITA
Kara lekteri,
me rieditas la rakonto "LA SONJO FURTITA" en nova vesto grafika.
La rakonto aparis unesmafoye en la numero 2 di la revuo "La Plumo Idala", numero koncernanta la sonji.
Pose, en la lasta somero, ol aparis kom libreto nedependanta, ma provizore, sen imajizita kovrilo.
Nun vi povas deskargar la nova edituro kliktante sur l'imajo:
Amikale,
Tiberio
martedì 12 febbraio 2019
LA MIKRA PUNTO
Kara samideani,
me prizentas en formato PDF la du fabli satira "LA MIKRA PUNTO" e "LA MIKRA PUNTO 2": ca lasta esas la duro dil unesma, e kunmixas anke roli di la du preirinta fabli "LA FORMIKO REDKAPA" e "LA DOLCA OLDINETO"; olu kompozesis origine por la numero 30 dil jurnalo "POSTA MUNDI".
La versiono en Esperanto dil unesma fablo "LA MALGRANDA PUNKTO" lastasomere ganis premio en la tradukkonkurso di la FEI, l'Italiana federuro Esperantala.
La du verki esas libere deskargebla hike sube: kliktez sur lia imaji.
LA MIKRA PUNTO:
LA MIKRA PUNTO 2:
Bona lekto!
Tiberio
sabato 2 febbraio 2019
LA DOLCA OLDINETO
Kara amiki,
por vi la fablo "LA DOLCA OLDINETO" en formato PDF, libere deskargebla per kliktar sur l'imajo:
Amikale,
Tiberio
lunedì 14 gennaio 2019
LA FORMIKO REDKAPA
Kara amiki,
yen la fablo "LA FORMIKO REDKAPA" kom PDF-libreto:
Deskargez ol kliktante sur l'imajo.
Kordiale,
Tiberio
Iscriviti a:
Post (Atom)
L’INF... IN IDO!
Me tradukis la sequanta poemo ad Ido cirkume ante un yaro, ma til nun me ne publikigis olu hike: me ne tre prizis ol pro le tro multa “c”. T...
-
Nova romaneto en Ido: L'asasino di Gonçalo, Detektivo-romaneto di cienco-fiktivajo, da Tiberio Madonna, mayo 2018, ... -
Kara samideani, me prizentas a vi la duesma edituro di la rakonto LA LIBRO RAPTERA . Ol editesis unesmafoye en 2014, e nun me adkargas l... -
Kara lekteri, me rieditas la rakonto "LA SONJO FURTITA" en nova vesto grafika. La rakonto aparis unesmafoye en la ...